Федерация хоккея Узбекистана

16 mart 2019

Тошкентда халқаро ўртоқлик турнири бўлиб ўтди

Ўтган дам олиш кунлари пойтахтимиздаги кўп тармоқли “Humo Arena” муз саройида хоккей бўйича Ўзбекистон Республикаси давлат мустақиллигининг 28 йиллигига бағишланган халқаро ўртоқлик турнири бўлиб ўтди.

27 avgust 2019

Мусобақада Россиянинг “Премьер” жамоаси ҳамда мамлакатимизда фаолият олиб бораётган “Тошкент” ва “Ҳумо” клублари фахрий хоккейчилари қатнашди. Мусобақанинг тантанали очилиш маросимида хоккей бўйича ҳам халқаро майдонда муносиб ўрин эгаллаш, дунё пешқадамлари билан тенгма-тенг рақобатлашадиган даражага чиқиш учун Ўзбекистон жаҳоннинг етакчи хоккей дарғалари тажрибасини ўзлаштиришга интилаётгани қайд этилди.

Бу борада барча соҳалар бўйича доимий ҳамкорларимиздан бири – Россия Федерацияси билан яқин муносабатлар йўлга қўйилгани муҳим аҳамият касб этмоқда. Шу маънода Тунги хоккей лигаси вакили, Россиянинг “Премьер” клуби томонидан мамлакатимизда хоккейни қайта тиклаш ва юксалтириш йўлида олиб борилаётган амалий ишларда бевосита иштирок этаётгани қувонарли.

Мазкур турнир доирасида ўтказилган биринчи ўйин – “Премьер” ва “Тошкент” жамоалари учрашуви жуда муросасиз кечганлигини алоҳида таъкидлаб ўтиш жоиз. Асосий вақт 3:3 – дуранг натижа билан тугаб, ғолиб аниқланмагани ҳам фикримизни исботлайди. Фақат буллитлар сериясидагина майдон эгалари омадлироқ чиқиб, якуний 4:3 ҳисоби қайд этилди. Иккинчи ўйин ҳам кескинликда биринчисидан қолишмади. Бу гал Ўзбекистоннинг “Humo” клуби билан кечган учрашувда “Премьер” қийинчилик билан бўлса-да, ғалабага эришди – 7:6.

Шу тариқа, кутилганидек, ўртоқлик турнирида дўстлик ғалаба қозонди. Энг муҳими, мамлакатимиздаги хоккей мухлислари икки кун давомида яна бир спорт байрамига гувоҳ бўлишди.

Дарҳақиқат, Ўзбекистонга катта хоккей қайтди!

Олий Хоккей Лигаси вакиллари "Пахтакорга" ташриф буюришди

06 fevral 2020

Ўзбекистонда хозирги кунда хоккей жадал ривожланмоқда, ва Олий Хоккей Лигасида юртимиз шарафини пойтахтнинг “Хумо” жамоаси химоя қилмоқда.

 

“Хумо” ўйинларини ватандошларимиз, шоу-бизнесс вакиллари, спортчилар ва “Пахтакор” ФК футболчилари мароқ билан кузатишади. Ўтган йил давомида футболчиларимиз бир неча маротаба “Хумодаги” хамкасбларини қўллаб - қувватлаш учун ўйинларга боришган, тантанали шайба ташлаш маросимида эса “Пахтакор” бош мураббийси Шота Арвеладзе хамда футболчилардан Марат Бикмаев, Драган Черанлар иштирок этишган.

 

Кеча Россия Хоккей Федерацияси таркибидаги ХТМД (Хоккейчиларни тайёрлаш миллий дастури) “Красная машина” рахбари Владимир Шалаев хамда ОХЛ (Олий Хоккей Лигаси) бошқарув директори Кирилл Пафифов, Ўзбекистон Хоккей Федерацияси вице-президенти Кирилл Матвеев ва Федерация ижрочи деректори Эльбек Махмудов “Пахтакор”ХК мехмонлари бўлишди.

 

Мехмонлар “Пахтакор” ХК директори Дмитрий Адисман ва жамоа бош мураббийси Шото Арвеладзе билан учрашишди.

 

Учрашув давомида мехмонлар стадиондаги “Пахтакор-79” ёдгорлигини зиёрат қилиб, 1979 йил 11 август куни авиахалокатда халок булган жамоа рухини ёд этишди.

 

Эслатиб ўтамиз, 10 феврал куни “Пахтакор” Осиё Чемпионлар Лигасидага янги мавсумнинг илк ўйинини ўтказади.

 

Владимир Шалаев, Кирилл Пафифов, Кирилл Матвеев ва Эльбек Махмудов “Пахтакор” ФКни омадли кечган 2019 йил мавсуми билан табриклаб Осиё Чемпионлар Лигаси, Суперлига ва Ўзбекистон кубогида омад ва янги зафарлар тилашди.

 

http://www.pakhtakor.uz Хабар беради

Bahodir G'ofurov: ”Mavsum samarali bo'ldi”

Biz O'zbekiston Xokkey federatsiyasining vitse-prezidenti Bahodir G'ofurov bilan mavsum yakunlari va kelajak rejalari haqida suhbatlashdik.

12 may 2020

– Bahodir Ismoilovich, federatsiyagizning  o'tgan mavsumdagi asosiy sarhisobi haqida nima deya olasiz?

– Lo'nda qilib aytadigan bo'lsak, 2019 yilni klub xokkeyi yili deya olamiz. Biz mamlakatimizda xokkeyni rivojlantirishning boshlang'ich bosqichida ihlosmandlarimizga o'zimiz uchun  yangi, biroq jahonda  juda ommaviy va sevimli sport turi bilan bevosita tanishishlariga imkoniyat yaratish juda muhim deb hisobladik.

 

Xokkey bo'yicha birinchi  O'zbekiston chempionati tashkil etildi va unda to'rt jamoa ishtirok etdi. O'ylashimizcha, mavjud imkoniyatlarimiz darajasida turnirni muvaffaqiyatli o'tkazishga erisha oldik.

 

O'tgan yil mart oyida “Humo arenasi”ning ochilishi xokkeychilarimiz uchun  ajoyib shart-sharoyit yaratib berdi. May oyidayoq Rossiya va O'zbekistonning to'rt yoshlar jamoasining, iyunda esa   bolalar o'rtasida xalqaro turnirni o'tkazib, xokkey maydonini sinab ko'rdik.

 

May oyida Oliy xokkey ligasi chempionatida ishtirok etish uchun “Humo” klubi asosida  professional xokkey jamoasini tashkil etish to'g'risida qaror qabul qilindi. Yozning uch oyi  davomida biz kuchli xokkey jamoasini shakllantirishga muvafffaq bo'ldik va 11 sentyabrdayoq “Humo” xokkey klubi Oliy xokkey ligasining chempionatida birinchi uchrashuvni o'z arenasida o'tkazdi. Bu birinchi o'yindayoq katta g'alabaga erishildi. O'sha o'yin xokkey  ishqibozlarining yodiga muhrlanganiga aminman: jamoamiz o'yinchilari raqiblari darvozasiga javobsiz beshta shayba kiritishga muvaffaq bo'ldilar.

 

O'tgan yilning yana bir muhim voqeasi Federatsiyamizning Xokkey xalqaro federatsiyasiga a'zo bo'lganligidir.

 

Yil davomida biz bolalar xokkey maktablari bilan muntazam shug'ullanib keldik.

 

– Aytgancha, shu yil aprelь oyida oliy xokkey ligasida qatnashayotgan “Humo” bu mavsumni o'tkazib yuborishini e'lon qildi…

– O'zingiz koronavirus pandemiyasi tufayli butun jahonda nima bo'layotganini ko'rib turibsiz. Naqadar umidvor bo'lmaylik, bu yuqumli kasallik sababli  joriy etilgan chegaralashlar bir-ikki hafta yoki oy ichida to'la bekor qilinishi amri mahol. Koronavirusning tarqalishi oqibatlari Rossiya va O'zbekiston hududdlarida ommaviy sport musobaqlarini to'laqonli o'tkazish uchun yaqin vaqtda imkoniyat bo'lmasligidan dalolat bermoqda.

 

Shu yil 30 aprelda xokkeychilarimiz va trenerlarimiz shtabining kontraktlari amal qilishining muddati tugadi. Ya'ni biz ana shu muddatga qadar yangi kontraktlar tuzish bo'yicha qaror qabul qilishimiz kerak edi. Federatsiya va klub rahbariyati koronavirus pandemiyasi oqibatidagi vaziyatni hisobga olgan holda yangi mavsum boshlanishi muddatlari va jamoaning ana shu chempionatda  muammosiz ishtirok etishi mavhumligi uchun xokkeychilar va trenerlar zimmasiga yangi kontraktlar majburiyatini yuklamaslikni maqbul topdi. Yangi mavsumda o'yinlarni tamoshabinlarsiz o'tkazish (bunday holat ko'pchilik xokkey ligalari tomonidan ko'rib chiqilmoqda) ham biz uchun maqbul emas. Fikrimizcha, ishqibozlarning  o'yinchilarni qo'llab-quvvatlab turishi xokkey musobaqalarining ajralmas tarkibiy qismidir, ko'pincha esa bu g'alaba qozonishning asosiy omil bo'ladi. Biz  muxlislarimizning qo'llab-quvvatlab turishi naqadar katta ahamiyatga ega ekanligiga nimchorak finalda “Toros” bilan uchrashuvlardagi yorqin g'alabalarimiz, va aksincha, ularning yo'qligini chorak finalda “Zvezda” bilan bellashuvimizning muvaffaqiyasiz  natijalari misolida ishonchimiz komil bo'lgan.

 

Jamoani bu yilgi mavsumda ishtirok etmasligi va uni tarqatib yuborish  to'g'risidagi qaror ko'p jihatdan xokkeychilar va trenerlar manfaatini ko'zlab ham qabul qilindi. Bu ularga boshqa klublar bilan kontraktlar tuza olishlariga imkoniyat yaratdi.

 

– “Xumo” klubining mavsumni o'tkazib yuborishi O'zbekiston milliy  terma  jamoasini shakllantirish muddatlariga ta'sir ko'rsatadimi?

– Biz bu yil, birinchi navbatda “Humo-2” jamoasi a'zolari hisobiga milliy terma jamoani shakllantirishni rejalagan edik. Hozircha bu jarayonga qancha muddat talab qilinishi to'g'risida aniq bir gap aytish mushkul, ammo bu muddatni uzaytirishga to'g'ri kelishi shubhasiz. Lekin biz 2022 yildan kechikmasdan jahon birinchiligining saralash  bosqichi o'yinlarida ishtirok etishdan juda umidvormiz.

 

– Shaxsan o'zingiz o'zini o'zi yakkalash vaqtingizni qanday o'tkazmoqdasiz?

– Bu qanchalik siyqasi chiqqan gap bo'lsa ham karantin vaziyatining shubhasiz foydasi – ko'proq vaqtni oila bilan o'tkazish, farzandlar tarbiyasiga ko'proq vaqt ajratish imkoniyatidir.

 

O'zini o'zi yakkalash paytida ham kun bo'yi band bo'lishim uchun ish yetarli, chunki Xokkey federatsiyasi men uchun yakkayu yagona ish joyim emas. Shunga qaramasdan, hozir bolalarimga darslarini tayyorlashga yordam berish, ularni qiziqtirayotgan savollarga batafsil javob qaytarish, birgalikda televizor, kino ko'rish, o'yinlar o'ynash, ayniqsa jismoniy tarbiya va sport bilan shug'ullanishlariga ko'maklashish uchun vaqt topilmoqda.

 

– Pandemiya paytida Xokkey federatsiyasi nima bilan mashg'ul?

– Mana, bir oydan ko'proq vaqtdan beri xodimlarimiz masofada turib ishlamoqda. To'g'ri, ular ish joylariga  qaytish, hamkasblari bilan uchrashishni orziqib kutishmoqda.

 

Hozirgi paytda bolalar xokkeyini rivojlantirish strategiyasini ishlab chiqish bilan faol shug'ullanmoqdamiz. Masofada turib trenerlar, yosh xokkeychilar bilan aloqa qilib bormoqdamiz. Hozirgi sharoitda ularning o'z jismoniy holatlarini yo'qotmasliklari juda muhimdir. Aks holda keyinchalik bu yo'qotishni tiklash juda qiyin bo'ladi. O'zini o'zi yakkalash cho'zilib ketganligi uchun biz mashqlar o'tkazish video turkumini yozib oldik. Bu mashqlar bilan faqat bolalar xokkey maktablarining tarbiyalanuvchilarigina emas, shuningdek barcha bolalar va o'smirlar ham shug'ullanishlari mumkin. Bu video darslaridan hamma erkin  foydalana oladi. Hakamlar bilan ham masofadan turib mashg'ulotlar olib borilmoqda.

 

Suhbatimiz yakunida mamlakatimizda xokkeyni rivojlantirish rejalarimiz juda jiddiyligini ta'kidlamoqchiman. O'zbekiston Xokkey federatsiyasi bu rejalarni hayotga tadbiq etish ishini davom ettiradi. Eng asosiysi – hamma salomat bo'lsin!

 

Manba: O'zbekiston milliy olimpiya qo'mitasi